Чулман

ФАРАЗ: һава торышы Татарстанның Гидрометеорология үзәге хәбәр иткән дөреслеккә туры килсә, бу атнада Татарстанда көннәр җылы булачак. Иртәгә, 17 сентябрьдә урыны белән кыска вакытлы яңгырлар фаразлана. Төнлә: +7 –.+12 градус. Көндез: +14 – +19 градус. 18 һәм 19 сентябрьдә республика югары атмосфера басымы йогынтысында булачак. Төнлә: +3 – +9 градус. Көндез: +15 – +20 градус.

БЕЛГЕЧ КИҢӘШЕ: телефоннан сөйләшү әдәбе ☎ Бер караганда, бар да гади, җайлы кебек. Ул сине күрми, син – аны. Ләкин һәрнәрсәнең җае булган кебек, телефоннан сөйләшүнең дә үз кагыйдәләре бар. Күбесенчә эшлекле сөйләшүләргә кагылсалар да, аларны белеп тору берәүгә дә комачауламас. 1. Сәгатькә кара. Белгечләр кешенең эш графигы, көн тәртибенә карап, 09.00-20.00 сәгать аралында шалтыратырга киңәш итә. Сөйләшү мөһим темага булса, аны көннең беренче яртысында башкару отышлы. 2. Телефонны озак алмаса, кат-кат шалтыратма. Гомумән, биш тапкыр «чакырганнан» соң, башка көтмәү хәерле. Абонент җавап бирмәсә, берәр сәгатьтән кабат шалтыратырга мөмкин. 3. Итагатьле бул. Әңгәмәдәшең белән исәнләшергә, үзең белән таныштырырга, сөйләшергә уңайлы булу-булмавы белән кызыксынырга кирәк. Соңыннан, рәхмәт әйтеп, саубуллашырга. Тыныч тонда сөйләш, әңгәмәдәшеңне бүлдермә. 4. Игътибарны читкә юнәлтмә. Эшлекле сөйләшү вакытында, темадан читләшмә, әңгәмәдәшне игътибар белән тыңла. Бер әйтелгәнне кабат сорау – ямьсез күренеш. 5. Вакытны юкка сарыф итмә. Эшлекле сөйләшүне артык озакка сузмау өчен, аңа алдан әзерлән. Ул, якынча, 3-5 минуттан артмаса хәерле. Вакыт күп таләп ителгән мәсьәләне шәхси очрашу барышында хәл итәргә мөмкин. 6. Әңгәмәдәш сөйләгән вакытта «әйе», «аңлашылды», «килешәм» кебек сүзләр «кыстыр». Күзгә-күз карап аралашкан вакытта кеше сезнең тыңлаганыгызны күрә. Телефоннан сөйләшкәндә исә кешене игътибар белән тыңлавыгызны белдереп торырга кирәк. #Телефоннансөйләшүәдәбе #Эшлеклесөйләшү #Вакыт #Әдәп